Ռուս գրող և քաղաքական գործիչ Էդուարդ Լիմոնովն Արցախ այցելելու համար ընդգրկվել է Ադրբեջանի  «սև ցուցակում»:

Այդ մասին «ՌԻԱ Նովոստի»-ին հայտնել է Ադրբեջանի ԱԳՆ-ի պաշտոնական ներկայացուցիչ Հիքմեթ Հաջիևը:

Բաքուն 2013 թվականին հրապարակել է Արցախ այցելած օտարերկրացիների «սև ցուցակը»: Ցուցակում ընդգրկված մարդկանց արգելվում է մուտք գործել Ադրբեջան: Ցանկը պարբերաբար թարմացվում է այն մարդկանց անուններով, որոնք այցելում են Լեռնային Ղարաբաղի Հանրապետություն: