Ադրբեջանը և Թուրքիան Նախիջևանը դարձրել են թմրանյութի տարանցիկ ճանապարհ: Հուլիսի 17-ին Նախիջևանի Շախտախի անցակետի աշխատակիցները առգրավել էին 93 կգ թմրանյութ, որը Իրանից տեղափոխվում էր Թուրքիա:
Օրեր անց՝ հուլիսի 29-ին, աշխատանքից ազատվում է Նախիջևանի ՆԳ նախարար , գեներալ Ահմեդ Ահմեդովը: Ըստ տեղեկության հենց նրա օգնությամբ թմրանյութը պետք է Նախիջևանից անցներ Թուրքիա, սակայն այս մասին պաշտոնական տեղեկություն չկա իսկ Ահմեդովը գտնվում է տնային կալանքի մեջ:
Նախիջևանի ղեկավարը գեներալին ազատելու հարցով դիմել է նաև Ադրբեջանի ղեկավարությանը, որոնք իրենց հերթին դեմ չեն եղել նրա աշխատանքից ազատվելուն:
Գեներալ Ահմեդովը 17 տարի ղեկավարել է Նախիջևանի ՆԳ նախարարությունը ու վերջին տարիներին արդեն ցույց էր տալիս իր անհնազանդությունը Նախիջևանի ղեկավարների հանդեպ: Այդ տարիների ընթացքում հասցրել էր ահռելի կարողություն ստեղծել, նրան էին պատկանում տարբեր բիզնեսներ Նախիջևանում և Բաքվում: Աշխատանքից ազատվելուց հետո այդ ամենը խլել են նրա ձեռքից:
Թմրանյութի հայտնաբերումից հետո Ահմբեդովը փորձել է լքել Նախիջևանը, սակայն սահմանապահները թույլ չեն տվել, որպեսզի նա հեռանա:
