Ադրբեջանական լրատվամիջոցները՝ այդ երկրի Պաշտպանության նախարարության մատուցմամբ, տղամարդու մասնակցությամբ տեսագրություն են տարածել, որին ադրբեջանական կողմը որպես «ՀՀ ԶՈՒ զինծառայող» է ներկայացնում։
Տեսագրությունում արձանագրված է հարցաքննությունը։ Այսպես կոչված զինվորականը կոտրատված հայերենով հայտնում է, որ ինքը Զավեն Հովհաննեսի Կարապետյանն է, ծնվել է 1974 թվականի նոյեմբերի 16-ին, Նոյեմբերյանի շրջանի Դովեղ գյուղում։ Նրա պնդմամբ՝ ինքն այնտեղ է բնակվում։
Տղամարդը «խոստովանում է», որ պայմանագրային զինծառայող է եւ նախօրեին իբր թե դիվերսիայի է մասնակցել։
Հիշեցնենք, որ ավելի վաղ ՀՀ ՊՆ-ն Հայաստանի ԶՈՒ զինծառայողի գերի ընկնելու մասին հաղորդագրությունները ապատեղեկատվություն էր համարել:
