Armtimes.com-ի տեսանյութում.  երեկ`օգոստոսի 15-ին, տեղեկացրել էինք այն մասին, որ Շիրակի մարզի Հացիկ գյուղում կախված են գտել նույն գյուղի բնակիչ, ազգությամբ եզդի 19-ամյա Աբաս Սլոյանին: Վերջինս զինծառայող էր, պարտադիր զինվորական ծառայությունն անցնում էր Արմավիրի մարզի Արմավիր քաղաքում: Հարազատների խոսքով` նա դեռ մեկ ամիս էլ չկար, որ մեկնել էր ծառայության, մի քանի օր առաջ նրա երդման արարողություն է եղել, բոլոր հարազատները, ընկերները գնացել են: Պատմում էին, որ նա մեծ սիրով էր մեկնել ծառայության, նույնիսկ Արցախ մեկնելու ցանկություն է ունեցել: