armtimes.com-ի տեղեկություններով, ԱԱԾ-ն գաղտնալսել է քրեական հեղինակություն համարվող Ալավերդցի Վահագն Աբգարյանին եւ նրա թիմակիցներին: Գործում նաեւ այս գաղտնալսումներն են դրված ապացույցի հիմքում:

Ալավերդցի Վահագնը արդեն ըստ պաշտոնական տեղեկությունների՝ ստեղծել եւ ղեկավարել է հանցավոր համագործակցություն՝ ծանր եւ առանձնապես ծանր հանցագործություններ կատարելու նպատակով, որի կազմում ընդգրկվել են մի շարք այլ անձինք։ Բացի Ալավերդիի բնակիչ Կամո Փիրուզյանի սպանությունը կազմակերպելուց, Աբգարյանը մեղադրվում է նաեւ նույն քաղաքի բնակիչ, 36-ամյա Ռոմիկ Մոսինյանի սպանության նախապատրաստությունը կազմակերպելու համար, ինչը, սակայն, ավարտին չի հասցվել: Մեզ հայտնի դարձավ, որ Ռոմիկ Մոսինյանը Փիրուզյանների ընկերն է, 2015 թվականին Ալավերդիի քաղաքապետի թեկնածու Արթուր Աբգարյանի մտերիմներից: Նրան սպանելու նախապատրաստության մասին իրապահներին հայտնի է դարձել վերջերս՝ Կամո Փիրուզյանի սպանության քրեական գործի շրջանակներում: Մեր տեղեկություններով, Ալավերդցի Վահագնը առայժմ հրաժարվում է ցուցմունքներ տալուց:

Մանրամասները՝ սկզբնաղբյուր կայքում