Asekose.am-ի բլից հարցերին պատասխանել է դերասանուհի Մարի Գրիգորյանը:
- Ինչու՞ ենք շտապում և ու՞ր:
-Ստացվում է, որ արդեն մոտ կես դար է ապրում եմ, հիմա շտապում եմ ԱՊՐԵԼ... Ամանորյա մրցավազքին երբեք չեմ մասնակցել:
-Ի՞նչը չի հերիքում հայ ժողովրդին և արդյո՞ք 2017-ը ինքնաբավ տարի էր ընդհանրապես:
-Հայ ժողովրդին չի հերիքում ինքնավստահությունը, լավատեսությունը, միաբանականությունը: Այ եթե այս ամենը ստացվի թեկուզ մասամբ հաջողել ձեռք բերել, այնժամ վստահաբար ինքնաբավ կլինեն հաջորդ բոլոր տարիները
-Ի՞նչը կհիշվի և ի՞նչն արագ կմոռացվի 2017-ից:
-Կհիշվի ռուսական հեռուստաալիքներով մեր ազգի և պետության նսեմացման ջանքերը: Հնարավոր է, որ հենց դա էլ արագ մոռացվի: Մենք նման բաները հեշտ ենք մարսում, ավաղ:
-2017-ին ստացած ամանորյա բազմաթիվ բացիկներից, մաղթանքներից ու կենացներից քանի՞սն իրականացան:
-Ես գոհ եմ` 2017-ին ինձ հաջողվեց անել այն, ինչը 5 տարի չէր հաջողվում:
-Եթե իմանայիք Ձեր հենց այս մաղթանքը իրականություն կդառնա…
-Առաջնային, միանշանակ կկանգնեցնեի արտագաղթը ցանկացած գնով: Նորակառույց ու անարժեք եկեղեցիները կվերածեի Սմեռչի ու կպահպանեի երկրիս սահմանները: Թույլ տվեք երազել: Կբացեի մեծապարտեզ, որտեղ 50-ի շեմն անցած կանայք հաճելի զբաղմունք ու նոր ու լավ ընկերներ ձեռք բերելով կհետաքրքրացնեին իրենց կյանքը: Բազմաթիվ են մաղթանքներս, սակայն չեմ կարող ծավալվել:
