Երևանի Կենտրոն և Նորք-Մարաշ վարչական շրջանների ընդհանուր իրավասության դատարանն այսօր՝ հոկտեմբերի 21-ին, «Վերնիսաժի» գործով ամբաստանյալ, ԱԺ պատգամավոր Կարո Կարապետյանի (Յուվեցի Կարո) փեսա Գոռ Առաքելյանին մեղավոր ճանաչեց և դատապարտեց 6 տարի 6 ամիս ժամկետով ազատազրկման։ Դատախազը նրա համար պահանջել էր 9 տարվա ազատազրկում։
Դատարանը մյուս ամբաստանյալ Վալերիկ Հովհաննիսյանին դատապարտեց 3 տարվա ազատազրկման, Ներսես Մելքոնյանին `2 տարվա:
Հիշեցնենք, որ 2014թ. մայիսի 17-ին՝ ժամը 13:30-ի սահմանում կրակոցներ էին հնչել «Վերնիսաժի» տարածքում։ Ըստ մեղադրական եզրակացության՝ Գոռ Առաքելյանը Վարդանանց փողոցի թիվ 18/2 շենքի ստորգետնյա ավտոկայանատեղիի մուտքի դարպասների մոտ վեճի բռնվելով Վալերիկ Հովհաննիսյանի ևՆերսես Մելքոնյանի հետ, փորձել է կյանքից զրկել նրանց, ինչպես նաև կրակ է բացել՝ ծանր մարմնական վնասվածքներ հասցնելով պատահական անցորդների։
