«Խոսվում է, որ ՀՀ պաշտոնաթող նախագահ Սերժ Սարգսյանը դերակատարում է ունեցել Ձեր հրաժարականի հարցում: Արդյոք նա երբևէ մասնակցե՞լ է Ձեր և Բակո Սահակյանի քննարկումներին ու որևէ կերպ ազդեցություն ունեցե՞լ է»:
Դիմելով Արցախի նախկին պետնախարար Արայիկ Հարությունյանին՝ այսօր հարցրել են լրագրողները. «Քննարկումները եղել են իմ և Բակո Սահակյանի, իմ և քաղաքական գործիչների միջև. դրսից որևէ ազդեցություն չի եղել: Առաջարկություն չի եղել նաև Նիկոլ Փաշինյանի կողմից...
Մենք խորը հարգանք ունենք ՀՀ ներկա իշխանության նկատմամբ, բայց պետք չէ կապել իրար և հետո, չի նշանակում, որ մեր որոշումներում դաբրո ենք ստանում Հայաստանից: Առավոտ խոսակցություն ունեցել եմ ՀՀ վարչապետի հետ, բայց եկեք դրանով սահմանափակվենք»,- ասել է նա:
Հիշեցնենք, որ մամուլում տեղեկություններ էին տարածվել, ըստ որի՝ Սերժ Սարգսյանն Արցախում սրընթաց հեղաշրջում է իրականացնում:
