«Վրաստանում սկսում են փոքր ինքնաթիռներով տաքսի ծառայություն մատուցել, մենք դեռ գազելներով Գծերով Զեյթուն ենք գնում...»,-գրել է տնտեսագետ Մեսրոպ Առաքելյանը ֆեյսբուքյան իր էջում:
Հիշեցնենք, որ նոյեմբերից Վրաստանում սկսելու է գործել օդային տաքսի: Տվյալ փուլում Adjara Group-ը սպասում է թռիչքների լիցենզիաների ստացմանը և ենթադրաբար նոյեմբերի 15-ից օդաչուները կարող են իրականացնել առաջին չվերթերը: Ինքնաթիռները, որոնք գտնվում են ընկերության տրամադրության տակ, ձեռք են բերվել ԱՄՆ-ում:
Դրանք ութտեղանի Beechcraft ինքնաթիռներ են, որոնք արտադրվում են ամերիկյան Beech Aircraft ընկերության կողմից, որը արտադրում է քաղաքացիական և ռազմական ավիատեխնիկա:
Օդային տաքսիները «Ավիատոր» ապրանքանիշի ներքո թռիչքներ կիրականացնի դեպի Կազբեկ, Բաթում, Սվանեթի շրջան և Վրաստանի այն շրջաններ, որտեղ գոյություն ունեն ինքնաթիռների վայրէջքային հարթակներ:
Ավիատաքսիի թռիչքները կտարբերվեն չարտերային և կոմերցիոն ավիափոխադրումներ իրականացնող ինքնաթիռներից գրանցման և սպասման երկար գործընթացներից:
