«Ըստ քննության արդյունքներով առկա տվյալների՝ վարկածը շարունակում է մնալ այն, որ սա շարունակությունն է այս տարվա փետրվարին Մերձավանում տեղի ունեցած միջադեպի, որի ժամանակ սպանվել է այս գործով ձերբակալվածի եղբայրը»,- անդրադառնալով Փարաքարի համայնքապետ Վալոդյա Գրիգորյանի սպանությանը, ասել է ՆԳՆ խոսնակ Նարեկ Սարգսյանը։ Նրա խոսքով՝ փետրվարյան միջադեպից հետո ոստիկանությունը ձեռնարկել է գործողություններ՝ լարված հարաբերությունների մեջ գտնվող անձանց հետ։ Դիտարկմանը՝ տրամաբանությունը հուշում է, որ դեպքը կարող է շարունակություն ունենալ, Սարգսյանն ասել է, որ ակտիվ միջոցառումներ են ձեռնարկվում, ոստիկանական հենակետեր կան տեղադրված՝ հետագա անցանկալի հետևանքներից խուսափելու համար։

Դիտեք նաև՝ 

Հնարավոր չէ՞ր կանխել վենդետան Մերձավանում

ՀՀ ՆԳՆ խոսնակը վստահեցնում է` փետրվարին Գրիգոր Օհանյանի սպանությունից հետո երկար ժամանակ Մերձավանում հենակետեր են եղել, հերթապահություն է իրականացվել։

«Տասնյակ անգամից ավել ինֆորմացիաներ ենք ունեցել, որ ինչ–որ հատվածում պետք է հավաքվեն, միջանձնային հարցերի շուրջ ինչ–որ պարզաբանումներ անեն։ Ոստիկանները գնացել են, եղել են դեպքեր, որ տեղում են հայտնաբերվել ու ներկայացվել բաժին, և եղել են դեպքեր, որ իրենք չեն հասցրել հասնել իրենց նշված վայրը»։

Նարեկ Սարգսյանը վստահեցրեց, որ ոստիկանությունն աշխատանքներ է կատարել նաև Ախտոյանների ընտանիքում ապօրինի զենք–զինամթերք գտնելու ուղղությամբ։ Մարդիկ են տարվել ոստիկանություն, սակայն նրանց մոտ ոչինչ չի հայտնաբերվել։

***

Դիտեք նաև՝ 

***

ՆԳՆ մամուլի խոսնակ Նարեկ Սարգսյանը սեպտեմբերի 23-ին Մերձավանում կատարված հանցագործության բացահայտման ուղղությամբ իրականացված աշխատանքների վերաբերյալ որոշ մանրամասներ է ներկայացնում։