Ինֆորմացիան և տեսանյութերն այս հղումով թարմացվում են․ Հետևեք նաև Asekose.am-ի տելեգրամյան ալիքին։
ԴՕԿ կուսակցության հիմնադիր Վարդան Ղուկասյանի աջակիցները այս պահին ՀՀ-ում ԱՄՆ դեսպանատան դիմաց են՝ Վարդան Ղուկասյանի արդար դատավարության պահանջով։
Հիշեցնենք՝ այսօր նշանակված է Ղուկասյանի վերջին դատական նիստը։
***
ԴՕԿ կուսակցության հայտարարությունը․ «Շնորհակալություն ենք հայտնում բոլոր այն մարդկանց, ովքեր ներկա գտնվեցին ԱՄՆ դեսպանատան մոտ։ Վերջին երկու օրերի ընթացքում մեր ֆլեշմոբի տեսանյութերը կայծակնային արագությամբ տարածվեցին համացանցում։ ԴՕԿ կուսակցության նախագահի ելույթով մենք հայտարարեցինք ֆլեշմոբի ավարտի մասին, սակայն դրանից հետո մեզ շարունակեցին ուղարկել նոր տեսանյութեր։
Այդ պատճառով որոշեցինք պատրաստել ամբողջական տեսահոլովակ՝ ընդգրկելով բոլոր նրանց, ովքեր մասնակցել են մեր նախաձեռնությանը, և այն հրապարակել։
Ինչ վերաբերում է Վարդան Ղուկասյանի դատական նիստին՝ արդյունքը կիմանանք այսօր, և դատավարության ավարտից անմիջապես հետո այն կտեղեկացնենք հանրությանը։
Կրկին ու կրկին մեր սրտի խորքից շնորհակալ ենք ձեր աջակցության և քաջության համար։ Հիշեք՝ արդարությունը կարող է հիվանդանալ, բայց երբեք չի մահանում»։
Հիշեցնենք, որ մինչ այս ԴՕԿ-ի աջակիցները համացանցում նախաձեռնել էին լայնածավալ ֆլեշմոբ։
***
