«Ինչպես 4 տարի առաջ «բերաններին փրփուր» համոզում էին, որ եթե չթանկացնեն տրանսպորտը, Երևանը կոլապսի կենթարկվի, այնպես էլ հիմա են խոսում էներգետիկ համակարգի մասին, սակայն մեր պանծալի երիտասարդները հաղթեցին այդ վաշխառու տզրուկներին և չթողեցին, որ թանկացում լինի: Արդեն հաջողության հասել են, ու իշխանությունները պետք է մտածեն լուծում գտնելու մասին»,-այսօր՝ լրագրողների հետ հանդիպման ժամանակ խոսելով էլեկտրաէներգիայի սակագնի բարձրացման դեմ բողոքի ցույցի մասին՝ ասաց ԱԱԾ պետի նախկին տեղակալ Գուրգեն Եղիազարյանը:
ՀՀԿ-ական պատգամավոր Լեռնիկ Ալեքսանյանն էլ ասաց, որ սա իրոք քաղաքացիական հասարակության ծնունդ է:
Ինչ վերաբերում է թալանին, ապա նրա կարծիքով, եթե թալան կա, ապա դրա ծայրն ուրիշ տեղ է թաքնված.
«Բաշխիչ ցանցերում Բիբինը 60.000 եվրո է ստանում, և նրա վերադասը թույլ չի տա, որ նա թալանի»,-նկատեց ՀՀԿ-ական պատգամավորը:
Գուրգեն Եղիազարյանը չհամաձայնեց վերջինի հետ՝ նշելով, որ այդ ցանցն իրավունք չունի իրեն այսպես պահել.
«Բիբինը ռուս կլինի, ամերիկացի, թե ֆրանսիացի, ինձ համար միևնույն է: Բիբինը ընդամենը Բիբին է ու այդ ձևակերպումը լավագույն կերպով տվել են երիտասարդները»:
Գուրգեն Եղիազարյանը նկատում է՝ Բիբինին չպետք է կապել Պուտինի հետ.
«Շրջափակման մեջ գտնվող Ռուսաստանում Պուտիը վեր կացավ, եկավ ու ասաց, որ Ցեղասպանություն եղել է: Հիմա Բիբինին կապում են նրա հետ: Տո Բիբինի հերն էլ անիծած՝ մերն էլ վրեն»:
Անի Կարապետյան
