Սոչիի իշխանությունները քաղաքի բնակչությանը և հյուրերին կոչ են արել պատրաստ լինել հնարավոր տարհանմանը, քանի որ կա ջրհեղեղի վտանգ:
«Այս պահին քաղաքում արդեն 100 մմ տեղումներ են տեղացել, ինչը ամսական նորման է։ Առաջիկա 2-3 ժամերի ընթացքում Սոչի քաղաքում կա ծովի վրա մրրկասյուն ձեւավորվելու վտանգ՝ ցամաք դուրս գալու հնարավորությամբ։ Բնակիչներին խնդրում ենք մնալ տներում»,-ասված է հայտարարության մեջ։
Քաղաքապետ Անատոլի Պախոմովը կարգադրել է հնարավոր տարհանման դեպքում ապահովել քաղաքացիներին անհրաժեշտ տրանսպորտով և այլն:
