The Sun կայքում հրապարակվել է տեսանյութ, որտեղ Մեծ Բրիտանիայի թագուհի Եղիսաբեթ II-ը մանուկ հասակում պարզում է ձեռքը նացիստական ողջույնի ձեւով: Տեսագրությունը թվագրված է 1933թ-ով:

Սեւ-սպիտակ տեսանյութում ներկայացված է բրիտանական թագավորական ընտանիքը՝ երևում են 7-ամյա Եղիսաբեթը՝ մոր, քրոջ և մորեղբոր հետ: Սկզբում աղջիկներն ուղղակի թափահարում են ձեռքերը, իսկ հետո բոլոր չորսն էլ ցուցադրում են նացիստական ողջույնը:

Բուքինգհեմյան պալատում հիասթափություն են արտահայտել, որ թերթը ստացել և տարածել է 80 տարի առաջ արված տեսագրությունը:
Sun-ի հոդվածում նշվում է, որ Էլիզաբեթի մորեղբայր Էդուարդը համակրանք է ունեցել նացիստների նկատմամբ եւ նույնիսկ քաջալերել է Գերմանիային շարունակել Անգլիայի ռմբակոծությունը, որպեսզի ապահովի երկրի շտապ կապիտուլացիան: Դրա հետ մեկտեղ Մեծ Բրիտանիայի քաղաքական ղեկավարությունը, այդ թվում Ուինսթոն Չերչիլը, թաքցրել է Էդուարդի նացիստների նկատմամբ համակրանքը, վախենալով, որ դա կարող է վերացնել թագավորական ընտանիքը:
«Այս կադրերը թաքցվել են 82 տարի շարունակ: Մենք դրանք հրապարակում ենք այսօր՝ իմանալով, որ  դրանք ոչ մի կերպ վատ չեն անդրադառնա մեր թագուհու, նրա հանգուցյալ քրոջ կամ մոր վրա»,- գրում է պարբերականը: