Բացի այն, որ Ռուսաստանի Օդատիեզերական ուժերն ակտիվ մասնակցություն են ցուցաբերում սիրիական ռազմադաշտում ծավալվող գործընթացներին, համագործակցում, համակարգում սիրիական բանակային ստորաբաժանումների հետ ընդհանուր ռազմագործողությունները, զուգահեռաբար բացահայտվում են նաև Մոսկվայի կողմից իր դաշնակցին նոր տեսակի սպառազինություններ տրամադրելու վերաբերյալ իրողությունները:
Ներկայացվող տեսանյութում ֆիքսված է Սիրիայի կենտրոնական Համա նահանգում ընթացող ռազմագործողություններից մի դրվագ, երբ ռուսական ուժերն օդից, իսկ սիրիական բանակային ստորաբաժանումները՝ ցամաքից փորձում են ամրապնդել վարչակարգի դիրքերը ռազմավարական կարևորություն ունեցող շրջաններում, այնուհետև դեպի հյուսիս և արևելք շարժվելու համար առավել բարենպաստ ռազմավարական իրավիճակ ապահովելու նպատակով:
Իսկ սիրիական կառավարական ուժերի կիրառած նոր զենքերը զարմանք ու սարսափ են առաջացնում ընդդիմադիր զինյալների շրջանում:
