Life.panorama.am-ը գրում է.
Հոլիվուդյան հայտնի դերասանուհի Շերոն Սթոունը ոչ սովորական հանդիսավարի կարգավիճակում է հայտնվել՝ նա վարել է համասեռամոլների հարսանեկան արարողությունը:
57-ամյա դերասանուհին, այսպես ասած, ամուսնացրել է դիզայներ Դեվիդ Ուիտկեվիցին և «WSJ Magazine» ամսագրի հրատարակիչ Էնթոնի Սեննեյմային: Նշենք, որ հարսանեկան արարողությունը տեղի է ունեցել Նյու Յորքի գերժամանակակից շրջաններից մեկում:
Տեղեկությունների համաձայն՝ Շերոն Սթոունը եղել է համասեռամոլ զույգի վաղեմի ընկերը: Էնթոնիի հետ դերասանուհին ծանոթ է 1996թ.-ից, երբ Էնթոնին աշխատում էր իտալական «Vogue» պարբերականում:
Ականատեսները պատմում են, որ Սթոունը շատ զգացմունքային է արձագանքել կատարվող ամեն ինչին, նույնիսկ հազիվ է զսպել արցունքները:
Նշենք, որ միասեռական ամուսնությունները ամենից առաջ օրինականացվել են Նիդերլանդներում 14 տարի առաջ: Այսօր արդեն այն օրենքով թույլատրելի է համարվում աշխարհի 20 երկրներում, Բրիտանիայի շրջանների մեծ մասում, Մեքսիկայի մի քանի նահանգներում, իսկ մեկ ամիս առաջ ԱՄՆ գերագույն դատարանի որոշմամբ միասեռական ամուսնությունները օրինական են համարվում ԱՄՆ ողջ տարածքում:
