Քաղաքագետների միության նախագահ Հմայակ Հովհաննիսյանը ֆեյսբուքյան իր էջում գրել է. «Մոսկովյան 33ա շենքն օրը ցերեկով էսկավատորով քանդում են Ավինյանի կողմից տրված շինթույտվության ուժով։ Ավինյանի ցինիզմը սահման չունի` շինթույլտվությունը տրամադրվել է «շենքը բարեկարգելու» պատճառաբանությամբ։ Քաղաքապետարանում թքած ունեն բազմաբնակարան շենքի բնակիչների բողոքների վրա»։
Հիշեցնենք, որ քաղաքագետը ամիսներ շարունակ ահազանգում է թամանյանական շենքի խնդրի վերաբերյալ։ Նախկինում նա գրել էր․ «Մոսկովյան 33ա թամանյանական շենքի առաջին հարկում, որի նկատմամբ ես ունեմ կադաստրով գրանցված և իմ սեփականության վկայականում ամրագրված սեփականության իրավունք, իրականացվում են Երևանի քաղաքապետի կողմից արտոնված անօրինական, հանցագործ «շինարարական» գործողություններ։
Օգտվելով այն բանից, որ մայրաքաղաքը հանձնված է անտերության և չարաշահելով ապրիլին Տիգրան Ավինյանից ստացված շինթույլտվությունը, 2012 թվականից Մոսկովյան 33 ա շենքի համասեփականատեր Սենիկ Ջուլհակյանը էսկավատորով ֆասադի կողմից քանդում է Գ.Թամանյանի նախագծով կառուցված և պատմական արժեք ներկայացնող շենքը»