«Սասնա ծռերի» անդամ 26-ամյա Թաթուլ Թամրազյանը, որը հրազենային վիրավորում էր ստացել հուլիսի՝ 17-ին ոստիկանության ՊՊԾ գունդը գրավելու ժամանակ, այսօր կալանավորվեց:
Դատարանից Թաթուլ Թամրազյանին տեղափոխել են «Դատապարտյալների հիվանդանոց»:
Նրա պաշտպան Մոնիկա Մարգարյանն ասել է, որ իր պաշտպանյալի առողջական վիճակը շատ վատ է, իրեն թույլ է զգում՝ դատարանը պարբերաբար ընդմիջել է նիստը, որպեսզի ցավազրկում ներարկեն Թաթուլ Թամրազյանին:
Հիշեցնենք, որ Թաթուլ Թամրազյանին «Էրեբունի» հիվանդանոցից դատարան են տեղափոխել «Շտապօգնության» մեքենայով՝ պատգարակի վրա:
