Ռուսաստանը որոշել է ներգրավվել սիրիական հակամարտությանը: ճիշտ է, այդ ակտիվությունը լինելու է օդային հարվածների տեսքով, այնուամենայնիվ ռուսական իշխանությունները արդեն սկսում են Բաշար ալ-Ասադին ցուցաբերվող իրենց աջակցությունը Սիրիայում դարձնել ավելի առարկայական:
Վերջին շրջանում արևմտյան որոշ երկրների ղեկավար շրջանակներից կարծիքներ են հնչում առ այն, որ Բաշար ալ-Ասադը պետք է ներգրավվի Սիրիայի հակամարտության բանակցային գործընթացներում:
Վերոհիշյալից կարելի է եզրակացնել, որ արտաքին ուժերի կողմից որոշ համաձայնություններ են ձեռք բերվել Սիրիայում ընթացող զարգացումների առումով՝
1. Ռուսաստանը ներգրավվում է Իսլամական պետության և այլ իսլամական ծայրահեղ արմատական խմբավորումների դեմ իրականացվող օդային հարվածներին:
2.ԻՊ-ի և սիրիական կառավարական ուժերի վերահսկողությունից դուրս գտնվող որոշ հատվածներում զինադադար է հաստատվում:
Քայլեր են ձեռնարկվում հենց Սիրիայի ներսում իսլամական խմբավորումների դեմ պայքարող ուժերին աջակցության ու անցումային կառավարություն ձևավորելու առումով:
Ցանկը կարելի է շարունակել, բայց շատ բան կախված է հենց Սիրիայում տեղի ունեցող զարգացումներից:
Կարծես թե մեծ տերությունները սկսում են հասկանալ, որ սիրիական թնջուկի հանգուցալուծման ճանապարը պետք է փնտրել հենց Սիրիայում տեղի ունեցող գործընթացներում, այն էլ այդ գործընթացներում որոշ առարկայական մասնակցությամբ...
