Հիմնադիր խորհրդարանի քարտուղարությունը տեղեկություններ է ստացել, որ ռեժիմը սադրանքներ կազմակերպելու նպատակով աննախադեպ քանակությամբ քաղաքացիական հագուստով ոստիկաններ եւ գործակալներ է ներդրել Երեւանի Բաղրամյան պողոտայում տեղի ունեցող բազմահազարանոց հավաքի վայրում:
«Զուգահեռաբար՝ հավաքի դիմացի հատվածում կուտակվում են Ոստիկանության զորքերի եւ այլ ստորաբաժանումների մեծաքանակ ուժեր եւ միջոցներ:
Այս հանգամանքները հաշվի առնելով, Հիմնադիր խորհրդարանի քարտուղարությունը հավաքի կազմակերպիչներին եւ հավաքի վայրում գտնվող ժողովրդին կոչ է անում զգոն լինել եւ միջոցներ ձեռնարկել հնարավոր սադրանքները կանխելու համար:
Մասնավորապես՝ առաջարկում ենք հավաքի տարածքը բաժանել հատվածների, նշանակել դրանց պատասխանատուներ եւ բավարար քանակի կարգադրիչներ, ինչպես նաեւ բարձրախոսների միջոցով պարբերաբար զգոնության կոչեր անել հավաքի վայրում գտնվող ժողովրդին»,- ասվումէ հայտարարության մեջ:
