Լրագրող Վահե Մակարյանն այսօր մասնակցում էր ԱԺ Պաշտպանության և անվտանգության հարցերի մշտական հանձնաժողովի նիստին։ Ինչպես հայտնի է ԱԺ նախագահ Ալեն Սիմոնյանի հրամանով լրագրողի մուտքը ԱԺ արգելվել էր։ ՊՊԾ աշխատակիցները նիստի ժամանակ նրան դուրս հրավիրեցին դահլիճից՝ պահանջելով հեռանալ շենքից։
Վահե Մակարյանը հայտնեց, որ պատգամավոր Գեղամ Մանուկյանի հայտով է ներկա նիստին և չի պատրաստվում հեռանալ։ ՊՊԾ աշխատակիցները ոլորեցին լրագրողի թևերն ու բռնի ուժի կիրառմամբ դուրս հանեցին շենքից․ «Սա Ալենի ու աշխատակազմի ղեկավարի հորինած օրենքներն են, իրավունք չունեք ինձ հեռացնել»,- ասաց Մակարյանը։