Նախկինում ֆուտբոլիստ, միլիոնատեր, այժմ Վրաստանի փոխվարչապետ՝ Կախա Կալաձեի լուսանկարները, որոնցում երևում է, թե նա ինչպես է պայքարում Թբիլիսիի ջրհեղեղի հետևանքների դեմ, համացանցային օգտատերերի շրջանում բուռն քննարկումների առիթ են հանդիսացել: Տվյալ լուսանկարների վերաբերյալ Աշոտ Սարգսյանը հետևյալ գրառումն է կատարել.
«Վրաստանի փոխվարչապետն է: Ինչ ասես, մարդ է, ով մարդկանց կողքին է բառիս բուն իմաստով: Իսկ մենք պաշտոնյաներ ունենք, ովքեր նույնիսկ կանաչ խոտի վրա առանց ոտքերի տակ փռած խալու չեն կանգնում…. »:
Գայանե Աթոյանն իր հերթին ֆեյսբուքյան իր էջում գրել է.
«Այս երիտասարդը Վրաստանի փոխվարչապետն է, աշխատանքային վիճակում է, օգնում է այսպես իր երկրին, այդ իսկ պատճառով նախանձելի է վրաց ժողովուրդը, որ ունի նման զավակներ իշխանության մեջ, ովքեր իրենց պարտքն այսպիսի նվիրումով են կատարում․․․ անհնար է նայել այս նկարին առանց նախանձի»:
«Վրաստանի Փոխվարչապետը!!! Կարծում եմ Հայաստանում կգտնվեն բաժնի պետեր կամ վարչության պետեր, ովքեր կլինեն այսպիսին..... բայց փոխվարչապետ դժվար... »,- գրել է Սամվել Հովհաննիսյանը:
Հիշեցնենք, որ օրեր առաջ տեղացած հորդառատ անձրևները հեղեղել են Վրաստանի մայրաքաղաք Թբիլիսիի փողոցները։ Ջրով էին լցվել քաղաքի անցումները, նկուղները և հարյուրավոր տների առաջին հարկերը։
