Լրագրող Լիա Սարգսյանը ֆեյսբուքյան էջում գրել է․ «Վաղարշապատում փորձել են սպшնել քրեական աշխարհում հայտնի Բուսի տղա Մխոյին. ՆԳՆ-ն «էշի ականջին քնած է»
Ինչպես արդեն հայտնել էինք՝ Վաղարշապատի հրապարակում մի տղամարդ կրակահերթ է բացել երթևեկության մեջ գտնվող մի մեքենայի վրա, որի մեջ են եղել քրեական աշխարհում հայտնի Մխիթար Գազազյանը, ով հայտնի է «Բուսի տղա Մխո» մականունով և նրա վարորդը:
«Իշխանության» տեղեկություններով՝ զինված տղամարդը այլ մարզից է եկել Վաղարշապատ՝ սպшնությունն իրագործելու համար:
Օր ու գիշեր ոստիկանները խուզարկում են քաղաքացիների մեքենաները, ցուցադրական բեմադրություններ անում, թե ապօրինի զենք-զինամթերք են փնտրում, մինչդեռ իրական հանցագործները զինված շրջում են, և օրը ցերեկով փորձում են մարդ սպшնել: ՆԳՆ-ն դեպքից հետո գլուխ է գովում, թե հանցագործությունը բացահայտվել է, մինչդեռ իրավապահ մարմինների բուն առաքելությունը հանցագործությունները կանխելն ու մաքսիմալ նվազեցնելն է»:

Դիտեք նաև՝ Գագիկ Շամշյանի ռեպորտաժը դեպքի վայրից՝ Asekose.am-ի տելեգրամյան ալիքում

Հավելենք, որ ՆԳՆ մամուլի խոսնակ Նարեկ Սարգսյանը «1Լուրեր»-ին հայտնել է, որ միջադեպի հետևանքով տուժած անձինք չկան։ Տեղում եղել են համայնքային ոստիկաններ, որոնք ձերբակալել են 1 անձի, հանգամանքները պարզվում են։

***

«ԱրմԼուր»-ն էլ գրում է, որ կայքի նախնական տեղեկությունների համաձայն՝ Արմավիրի մարզում հնչած կրակոցների պատճառը մեքենան կայանելու տեղի հարցից է սկսվել, կողմերը չեն զիջել միմյանց ու հնչել են կրակոցները։

«Արմավիրի մարզի բնակիչների խոսքով վիճաբանած կողմերից մեկը Մխիթար Գազազյանն է, որը առավել հայտնի է «Բուսի Մխո» անվանմամբ, մյուսը՝ Էջմիածնում հայտնի Բադալը։

Ըստ Արմավիրցիների՝ այս 2 կլանի միջև միշտ ներքին կոնֆլիկտներ են եղել ու ինչ-ինչ հանգամանքներում բանը իրավապահներին չի հասել։ Անգամ կողմերից մեկի թիմակիցներից մեկը վերջին շրջանում միջադեպի արդյունքում կալանավորվել է»,- գրել է լրատվամիջոցը։