Նոր տարի, Կաղանդ. Սուրբ ծնունդ փրկչի... Ուրախության օրեր են ժողովրդի համար։ Եվ, իրոք, ժողովուրդը խմում է և փողոցների պատերի տակ փսխում։

Փսխում է, որովհետև գինին մսի վրա չի խմում, այլ թթու դրած կաղամբի, բիբարի և մասամբ նորին։ Պետությունը Նոր տարվա առթիվ բնակչության հերթունակ մասին կեսական կիլո յուղ է բաց թողել, որը, իհարկե, շատ քիչ է մի շաբաթ ուրախանալու համար։ Բայց լավ է քիչ, քան երբեք։ Գեթ տարին մի անգամ ժողովուրդը բերանը բանալու և անճոռնի ձայներ հանելու է։

Եվ, ըստ իս, ոչ թե մեկ, այլ ցանկալի էր, որ երկիրը մի փոքր ավելի արագ պտտեր արեգակի շուրջը, և մեկի փոխարեն տարեկան երկու անգամ Նոր տարի ունենայինք։

Պայմանով, սակայն, որ պետությունը կես կիլոյի փոխարեն մեկ կիլո յուղ բաց թողներ ժողովրդին...

Լեռ Կամսար, 1953թ․