Սպառողների միության նախագահ Արմեն Պողոսյանը վերջին օրերի թանկացումներն անբնական է համարում:
«Բոլոր երկրներում էլ թանկացում կա, բայց եկամուտներն ու աշխատավարձերն էլ են աճում ու քաղաքացիները չեն զգում թանկացումը: Իսկ մեզ մոտ չկա նման բան և սարսափելին այն է, որ հաջորդ տարի նույնպես նույն վիճակն է լինելու»,-լրագրողների հետ հանդիպման ժամանակ ասաց Արմեն Պողոսյանը:
ՀՀ Հանրային խորհրդի անդամ Արշակ Սադոյանի կարծիքով էլ՝ պետությունը հանցագործություն է կատարում.
«ՀՀ -ում խայտառակ շուկայական, բազարային տնտեսություն է, որտեղ ազատ գործող տնտեսական սուբյեկտները պետության հետ համաձայնության են գալիս ու գներն արհեստականորեն թանկացնում են՝ անկախ ինքնարժեքից, դա ուղղակի հանցագործություն է նշանակում: 20 տոկոսն, ի դեպ, որպես ավելացված արժեքի հարկ պետական բյուջե է գանձվում: Եվ հարկերի աճի համար բնակչությանն աստիճանաբար սովածացնելը խայտառակ տնտեսական քաղաքականություն է»:
