Պատճառը անհայտ է. Զախարովան՝ ռուսաստանցի ռազմական թղթակցի` Հայաստան մուտքի արգելքի մասին
Ռուսաստանի ԱԳՆ պաշտոնական ներկայացուցիչը հիշեցրեց, որ Հայաստանի ղեկավարությունը իշխանության է եկել խոսքի ազատության և բազմակարծության համար պայքարի ալիքի վրա, բայց հիմա ամեն ինչ այլ կերպ է անում:
«Տեղեկություններ չկան այն մասին, թե երբ է լրանալու արգելքի ժամկետը, արդյոք Դմիտրի Սելեզնյովը մեղադրվում է որևէ հանցագործության մեջ, կամ ինչպես կարող է նա ակնկալել արգելքի վերացում: Մենք դեսպանատնից տեղեկություններ ենք խնդրել այս որոշման պատճառների վերաբերյալ»,–ասաց նա:
Դիտեք նաև՝
Հայաստանին գրեթե բացահայտորեն խրախուսում են հետևել Մոլդովայի և Ուկրաինայի օրինակին՝ եվրաինտեգրման երկու հակագովազդի. Զախարովա
Ռուսաստանի ԱԳՆ պաշտոնական ներկայացուցչի խոսքով՝ Արևմուտքի ապակառուցողական քաղաքականությունը Հարավային Կովկասում վերջին ժամանակներս թափ է հավաքում։
«ԵՄ-ն փորձում է ամրապնդել իր ազդեցությունը Հայաստանում՝ դրամաշնորհների, քաղաքական ճնշման և տեղեկատվական մանիպուլյացիաների միջոցով` պարտադրելով նեոլիբերալ քաղաքականություն և ձգտելով խթանել ռուսաֆոբ տրամադրությունները հասարակության մեջ»։
***
Ռուսաստանի գործարար շահերի պաշտպանությունը արտասահմանում մնում է առաջնահերթություն. Զախարովան` «Տաշիր կապիտալի» ՀԷՑ–ի լիցենզիան չեղարկելու մասին
«Մոսկվան ուշադիր հետևում է Սամվել Կարապետյանի և ՀԷՑ–ի շուրջ ստեղծված իրավիճակին։ ՀՀ–ն և ՌԴ–ն միջկառավարական խողովակներ են ստեղծել նման հարցեր քննարկելու համար»,- ճեպազրույցի ժամանակ հայտարարել է Ռուսաստանի ԱԳՆ ներկայացուցիչը։
Նա հիշեցրել է, որ վերջին 20 տարիների ընթացքում ՀԷՑ–ն առաջատար է եղել ՀՀ էներգետիկ շուկայում։ Ընկերությունը 200,000 քաղաքացու աշխատատեղ է ապահովել և կանոնավոր կերպով վճարել է հարկերը։ 2017-2023 թվականներին ընկերությունը ենթակառուցվածքների արդիականացման վրա ծախսել է մոտ 700 միլիոն դոլար։ Զախարովան հույս ունի, որ ՀՀ կառավարության կողմից նշանակված կառավարիչները կառաջարկեն ավելի արդյունավետ կառավարման մոդելներ, բայց դատել կարելի է միայն կոնկրետ գործերով։
