Փաշինյանը, այսօր Առաջին Հանրապետության օրվա առթիվ իր ելույթում ԽՍՀՄ-ն անվանել է կայսրություն, որը արհամարհել է Հայկական Հանրապետությունը։
«Խորհրդային Միության գոյության գրեթե ողջ ընթացքում Առաջին Հանրապետությունը թիրախավորվեց որպես չարիք, ծաղրի և արհամարհանքի առարկա դարձավ։ Այսպիսով, կայսրությունը նպատակ էր հետապնդում ոչնչացնել մեր գիտակցության մեջ անկախ պետության այն ծիլերը, որոնք Առաջին Հանրապետությունը կարող էր վերընձյուղած լիներ»։
ՀՀ վարչապետի կարծիքով՝ անկախ և ինքիշխան պետություն լինելու վախը մինչ օրս չի հաղթահարվել, քանի որ «մենք աշխարհն ու պատմությունը ընկալում ենք այն կատեգորիաներով, որոնք մեր մեջ թողել է ԽՍՀՄ քարոզչությունը»։
