Փաշինյանը ցանկանում է զսպել սփյուռքահայերի քաղաքական գործունեությունը ՀՀ–ում
«Մեր երկրում կան երևույթներ, որոնք մենք անընդհատ հանդուրժում ենք, և որոնք չես տեսնի աշխարհի ոչ մի այլ երկրում։ Օրինակ` ՀՀ քաղաքացիություն չունեցող անձինք կարող են քաղաքական գործունեություն ծավալել Հայաստանի Հանրապետությունում (նրանք հիմանակում սփյուռքահայեր են–խմբ.)։ Ընդ որում՝ արտահայտելով ամենաարմատական հայացքները, ՀՀ քաղաքացիներին ինչ–որ կոչերով հանդես գան, սահմանադրական կարգը տապալելու կոչեր հնչեցնել։ Սա աներևակայելի ու անթույլատրելի բան է։ Մենք պետք է մեխանիզմներ ունենանք, անհրաժեշտության դեպքում պետք է օրենսդրական փոփոխություններ անենք ՝ նման դեպքերին արձագանքելու համար»,– ասել է նա ԱԱԾ նոր տնօրեն Անդրանիկ Սիմոնյանին ներկայացնելիս։
