ՍԴՀԿ Հայաստանի վարչության փոխատենապետ Վազգեն Մեսրոպյանն, ով նոր է վերադարձել Սիրիայից , ասում է, որ Դամասկոսի 4 կողմում թեժ կռիվներ են.
«Զինադադարի համաձայնություն կար, բայց Սիրիայի կառավարությունը հայտարարել էր, որ այն շրջաններում, որտեղ ահաբեկիչներ են գտնվում, մարտերը չեն դադարի: Սիրիական կառավարությունը ցանկանում է արվարձաններն ազատագրել ահաբեկիչներից: Ինչ վերաբերում է Հալեպին, ապա հոսանքը վերականգնված էր, ջուր կար, հայկական դպրոցները, չնայած սարսափին, գործում էին: Ցավոք, մի քանի օր առաջ ռմբակոծության հետևանքով հայ զոհվեց»,-լրագրողների հետ զրույցում ասաց Վազգեն Մեսրոպյանը:
Անդրադառնալով տարածված այն լուրերին, որ հայերը Հայրենիք վերադառնալու հետ կապված դժվարություններ ունեն, Վազգեն Մեսրոպյանը պատասխանեց.
«Հայերը հեշտորեն կարողանում են գալ Հայաստան, ոչ մի խոչընդոտ չկա: Հայկական դեսպանատունն ակտիվ աշխատում է: Գալով այստեղ՝ ոչ մի խնդիրների առջև չեն կանգնում: Պետք չէ դժգոհել.եթե փախել և եկել ենք, պետք է նրա կողքին լինենք: Սա մեր երկիրն է, Աստված մի արասցե, որ Հայրենիք չունենայինք, ժողովուրդն ո՞ւր պետք է գնար: Փառք տանք, որ կա մեր Հայրենիքը, եկել ու խաղաղ ապրում ենք»:
Անի Կարապետյան
