Պատգամավորի մանդատը վերցրած Արթուր Մանուկյանը խորհրդարանում երդվեց։
«Հանուն համազգային նպատակների իրականացման, հայրենիքի հզորացման ու բարգավաճման՝ երդվում եմ բարեխղճորեն կատարել ժողովրդի առջև ունեցած պարտավորությունները, պահպանել ՀՀ Սահմանադրությունը, օրենքները։
Նպաստել ՀՀ ինքնիշխանությանը և շահերի պահպանմանը և անել ամեն ինչ՝ քաղաքացիական համերաշխության, ազգային ու համամարդկային արժեքների պահպանման համար»։
Նա «Իմ քայլը» խմբակցությունում փոխարինում է Էդգար Առաքելյանին։ Արթուր Մանուկյանը թատրոնի և կինոյի դերասան է՝ Երևանի կինոթատրոններում այժմ ցուցադրվող «Անհայտ բաժանորդ» ֆիլմի դերակատարներից, մինչ այս Երևանի ավագանու «Իմ քայլը» խմբակցությունում էր:
