Արի Անդրանիկյանը ֆեյսուքյան իր էջում գրում է․ «Լևոն Զուրաբյանի գրառմանը ՔՊ-ական ուսապարկների արձագանքից կարելի է ենթադրել, որ ցանկացած ընդդիմադիր քննադատություն իշխանությունները համարելու են «ծերունական մանկամտություն», իսկ ընդդիմադիր գործչին քննադատության համար անվանելու են «լուզեռ»։ Սրանք վերջերս Սոցապ նախարարի պաշտոնը ստացած Արսեն Թորոսյանի բառերն են, ով այնքան «ժողովրդավար է», որ չի կարողանում հանդուրժել տարրական քննադատություն։

Արձագանքելու և բովանդակային արգումենտներ բերելու փոխարեն զբաղված է զազրախոսությամբ։ «Ուսապարկի սինդրոմով» տառապող ՔՊ-ականները հայհոյախոսությունն ըստ էության ժառանգել են իրենց մեծ առաջնորդից՝ «կառավարության մարմնացում» հռչակված (իր պնդմամբ) Նիկոլ Փաշինյանից։

«Կառավարությունը ես եմ» ավտոկրատ արտահայտությունից հետո ուսապարկների անհանդուրժողական կեցվածքը օրինաչափ է։ Քաղաքացիական պայմանագիրը հստակ քայլերով գնում է դեպի ավտորիտարիզմ, և 2026 թվականի ընտրություններին նրանց իրական դեմքը (ժողովրդավարության և արդար ընտրությունների առումով) բոլորի համար պարզ կդառնա։

Գուցե՞ շուտով Փաշինյանը, Ստալինյան ոգով տոգորված ձեռնարկի 1937 թվականի նման տեռոր, պետականորեն ամրագրի իր անձի պաշտամունքը և իր ընդդիմադիրներին հռչակի ազգի դավաճան։ Թե՞ արդեն անում է։

P.S. «Արևմուտք գնացող», գլխուղեղի քրոնիկ ազգադավությամբ տառապողներին չեն սովորեցրել ժողովրդավարության ամենապարզ սկզբունքները. նրանք չեն էլ հասկանում, թե ինչ է հանդուրժողականությունը և խոսքի ազատությունը։ Այս տեմպերով մեր երկիրը կարող է վերածվել պրոարևմտյան ավտոկրատիայի կամ ուղղակի ավտոկրատիայի»։

Դիտեք նաև՝