«Ներքուստ բոլորս էլ համոզված էինք, որ համախմբումը միշտ էլ կա: Վտանգի պարագայում մենք կարողանում ենք մի կողմ դնել բոլոր տարաձայնությունները: Այնքան լավ է ինքնակազմակերպվում մեր հասարակությունը՝ սկսած դպրոցականներից, որ անգամ կոչի իմաստ չեմ տեսնում: Այս ժողովրդի հետ կարելի է շատ մեծ բարձունքների հասնել, եկեք չխանգարենք: Ես պարզապես գլուխ եմ խոնարհում մեր ժողովրդի առջև»,-այսօր՝ լրագրողների հետ հանդիպման ժամանակ ասաց Հովհ. Թումանյանի անվան տիկնիկային թատրոնի ղեկավար Ռուբեն Բաբայանը՝ հավելելով.
«Ունենալով այս տեսակ ժողովուրդ՝ մենք պետք է լրիվ ուրիշ պետություն կառուցենք»:
Շարունակելով վերջինին՝ գրող, հրապարակախոս Մերուժան Տեր-Գուլանյանը նկատեց.
«Այնքան կուզենայի, որ այս իրավիճակից դուրս գալուց հետո մեր իշխանությունները իրենց աշխատաոճով համբուրեին մեր ժողովրդի ճակատը»:
Անի Կարապետյան
