Նիկիտա Սիմոնյանի մասին պատմող «Ոսկե դուբլ» սպորտային դրաման վարձույթում կհայտնվի հունվարին
«Ոսկե դուբլ» սպորտային դրաման, որտեղ ռուսական կինոյի հայտնի դերասան Եգոր Բերոևին վստահվել է խորհրդային ֆուտբոլի լեգենդ Նիկիտա Սիմոնյանի դերը, վարձույթ դուրս կգա հունվարի 29-ին։ Ֆիլմի պրոդյուսերը Վալերի Սահարյանն է, ռեժիսորը՝ Մհեր Մկրտչյանը։
Ֆիլմը պատմում է Սիմոնյանի փայլուն մարզչական կարիերայի փուլերից մեկի մասին։ Նրա գլխավորությամբ «Արարատ» ֆուտբոլային ակումբը 1973-ին կարողացել է հասնել խորհրդային ֆուտբոլի պատմության մեջ ամենաբարձր նվաճմանը՝ «Ոսկե դուբլով» մեկ տարում դառնալով ԽՍՀՄ չեմպիոն և ԽՍՀՄ գավաթակիր:
Նիկիտա Սիմոնյանի խոսքով՝ ինքն «անկեղծորեն զարմացել» է, երբ իրեն առաջարկել են «Ոսկե դուբլ» ֆիլմի գաղափարը, քանի որ այդ օրվանից անցել է արդեն 50 տարի։ Այնուամենայնիվ, նա հույս ունի, որ այս պատմությունը կդառնա ոգեշնչման աղբյուր և հզոր մոտիվացիա երիտասարդ տղաների, երիտասարդ ֆուտբոլիստների համար, որոնք երազում են մեծ հաղթանակների մասին։
Ֆիլմի գլխավոր դերում հանդես է գալիս Եգոր Բերոևը։ Նկարահանման հրապարակում են նաև Սոֆյա Դոնյանցը, Քսենյա Ալֆերովան, Սերգեյ Շակուրովը, Սերգեյ Գազարովը, Անահիտ Կիրակոսյանը, Բաբկեն Չոբանյանը, Անդրանիկ Խաչատրյանը, Անատոլի Կոտենևը, Կոնստանտին Յուշկևիչը, Եվգենի Բակալովը և այլք։
Դիտեք նաև՝
Աղբյուր՝ Alpha News
