«Օտարը երբեք չի մտածի քո իրավունքների մասին, նրանք մտածում են իրենց շահի մասին: Ինձ համար կարևոր է իմ ժողովրդի, իշխանության կարծիքը, քան միջազգային հանրությանը: Նրանք միշտ էլ 2 պարանի վրա են խաղում:
Ինչ վերաբերում է հողերին, ապա մենք ոչ մի սմ հող տալու չպետք է պատրաստ լինենք: Երբ որ թուրքին հարցնում են՝ ո՞րն է քո սահմանը, պատասխանում է՝ այնտեղ, որտեղ որ թուրք զինվորի ոտքն է: Իսկ հիմա ես կասեմ՝ որտեղ որ մեր զինվորի արյունն է, ոտքն է, դա մեր սահմանն է»,-այսօր՝ լրագրողների հետ հանդիպման ժամանակ ասաց ԱՍԱԼԱ-ի մարտիկ, «Վան» գործողության հրամանատար Վազգեն Սիսլյանը՝ հավելելով.
«Մենք դեռ Արևմտյան Հայաստանը պետք է վերադարձնենք»:
Հետախույզ Գևորգ Գևորգյանն էլ նկատեց.
«Այս 4–օրյա պատերազմը ցույց տվեց, որ թշնամին իրականում հեռու է մարտական գործողությունների պատրաստ լինելուց և իրականացնելուց, իսկ հայի ոգին անկոտրուն է: Մենք մեկ քայլ գնալու իրավունք չունենք, որովհետև տեղ չունենք: Մենք կանգնած ենք մեր տան մեջ»:
Անի Կարապետյան
