Հայաստանի Գրողների միության շենքի հարակից տարածքում կատարվող շինարարական աշխատանքերը շուտով կավարտվեն, իսկ դրա շուրջ բարձրացված աղմուկը դեռ չի մարում.
«Բակում համատարած բետոնապատում է կատարվել և, ցավոք, այն մարդիկ որոնց դիմել ենք, չեն պատկերացնում, թե ինչ բան է շինությունը, ինչ՝ բարեկարգումը: Ամեն իմ դիմումին ինձ թուղթ են ուղարկում, բայց ես թղթի կարիք չունեմ, շատ ունեմ: Մեսրոպ Մաշտոցը տառերը չի ստեղծել նրա համար, որ իրար կողք շարեն: Ես այդ պուրակում տեսել եմ Ավետիք Իսահակյանին: Այն ինձ համար սրբություն է:, իսկ նրանց համար՝ ոչ: Հայ գրողներն ասում են, որ բարեկարգվում է, գեղեցկանում...Չեմ հասկանում, որքան քիչ խոտ, այնքան գեղեցի՞կ:»,-լրագրողների հետ հանդիպման ժամանակ ասաց Սպառողների միության նախագահ Արմեն Պողոսյանը:
Իրավաբան Պուշկին Սերոբյանն էլ նկատեց՝ «Հողամասը պատկանում է պետությանը և ոչ գրողների միությանը»:
Հիշեցնենք, որ «Գրողների այգում» նախատեսվում է տեղադրել հայ բանաստեղծներին նվիրված տրավերտինե հուշատախտակ, պուրակի կենտրոնում լինելու է միջոցառումների գոտի, որը հարմարեցված է հեռուստածրագրերի ու քննարկումների համար: Լինելու են փայտե նստարաններ: Կանաչապատումն իրականացվելու է մշտադալար բույսերով:
Անի Կարապետյան
