Շարունակելով ներկայացնել ամռան թրենդները՝ զրուցել ենք ոճաբան Վահան Խաչատրյանի հետ։ Վերջինս չառանձնացրեց ամռան նորաձև գույները՝ նշելով, որ նորաձևությունն այնքան տարբերակներ է առաջարկում, որ դժվար է գտնել գույն, որը չլինի այս կամ այն դիզայների մոտ։ Ոճաբանը թրենդներն առանձնացնելիս նկատեց, որ ամռանը հագնվելիս պետք է առաջին հերթին հաշվի առնել տապն ու եղանակին համապատասխան հագնվել։
Ամռանը շատ ակտուալ են բնական կտորները, բամբակյա հագուստները, որոնք այս շոգին հարմար են։ Պետք է հագնել ոչ թե այն, ինչ թրենդային է, այլ այն, ինչ թելադրում են եղանակային պայմանները։
Ծաղկային կտորները ամռանը շարունակում են նորաձև մնալ։
Սպիտակ գույնը ևս ամառային է և շատ ակտուալ։ Սպիտակ ժանյակը, բամբակյա կտորները շատ նորաձև են։
Հաշվի առնելով շոգը՝ կարելի է հագնել այնպիսի հագուստներ, որոնք հնարավորինս թույլ են։ Անգամ եթե կիպ շորերը թրենդային են, պետք է հասկանալ, որ դրանք հնարավոր չէ կրել ամռան այս շոգին։
Երկար շորիկները միշտ ակտուալ են ամռանը։
Կտորե կարճ շորտերը ևս նորաձև են, սակայն չպետք է շփոթել և քաղաքում հագնել ծովափնյա շորտեր։
Աղբյուրը` Վերջին Բլոգ
