Քիչ առաջ ՀՀ 3-րդ նախագահ Սերժ Սարգսյանը ժամանեց Օպերայի և բալետի ազգային ակադեմիական թատրոն:
Մուտքի մոտ լրագրողները նախկին նախագահից հետաքրքրվեցին՝ ընտրություններին մասնակցելու որոշում ունի՞, ինչին Սարգսյանը շատ կարճ պատասխանեց. «Ո՛չ»:
Նշենք, որ Սերժ Սարգսյանը մասնակցում է «Հայ ազգային ճակատ» հայրենասիրական կազմակերպության կողմից կազմակերպված Պարույր Սևակի «Եռաձայն պատարագ» պոեմի ներկայացմանը․ միջոցառմանը ներկա են նաև տարբեր քաղաքական,հասարակական գործիչներ: Երեկոն նվիրված է Հայոց մեծ եղեռնի 106-րդ տարելիցին և Սուրբ նահատակների հիշատակին: «Եռաձայն պատարագը» կյանքի է կոչվել «Լույս» հիմնադրամի հովանավորությամբ:
