Վենետիկի հանձնաժողովի հետ շարունակում ենք ակտիվ աշխատել, բայց, քանի որ այս նախագիծը վերաբերում է այնպիսի փոփոխության, որի պարագայում Վենետիկի ասելիքը շատ քիչ է, ուստի իմաստ չկա նախագիծը ուղարկել։ Կան հարցեր, որոնք վերաբերում են Սահմանադրական փոփոխություններին և անպայման չէ դրանք ուղարկել միջազգային փորձաքննության»,- այս մասին լրագրողների հետ զրույցում ասաց «Իմ քայլը» խմբակցության պատգամավոր, Պետաիրավական հարցերի մշտական հանձնաժողովի նախագահ Վլադիմիր Վարդանյանը։
Պատգամավորն ընդգծեց, որ այս հարցը լրացուցիչ քննարկման կարիք ունի։ Վարդանյանի խոսքով՝ ՍԴ-ն անձնական շահագրգռվածություն ունի հարցի վերաբերյալ և տվյալ պարագայում հարցն ուղարկել ՍԴ ու ակնկալել քիչ թե շատ օբյեկտիվ որոշում որոշակի առումով խնդրահարույց է։ Ստեղծված իրավիճակում, պատգամավորի համոզմամբ, կա մի լուծում՝ դիմել ժողովրդին և հարցնել՝ ի՞նչ կարծիքի է գործող կարգավորումների մասին։ «Խնդրի երկարաձգումը կարող էր վտանգ ներկայացնել երկրի և՛ սահմանադրական անվտանգության և՛ ժողովրդավարությանը»,-ասաց Վարդանյանը և ընդգծեց, որ ստեղծված իրավիճակում չկա լուծում, որը կլինի ստանդարտ և հանրաքվեն ամենաճիշտ լուծումն է։
Մանրամասն՝ տեսանյութում
