Արդեն հայտնել էինք, որ Ազգային ժողովում ներկայացվում է հաղորդում` «Նաիրիտ գործարան» ՓԲԸ-ի հետագա շահագործման, տեխնիկական եւ ֆինանսական կենսունակության ուսումնասիրությունների վերաբերյալ:
Էներգետիկայի և բնական պաշարների նախարար Երվանդ Զախարյանի խոսքով՝գործարանը կամ պետք է վերագործրակվի, կամ լուծարվի: Նախարարը հայտնեց, որ գործարանի լուծարումը կապված է լուրջ ֆինանսական ծախսերի հետ, ապա հավելեց, որ Կառավարությանը ձեռնտու չէ ընկերության սննկացումը, քանի որ այն առաջացնելու է մեծ ֆինանսական խնդիրներ` կապված անվտանգության և այլ հարցերի հետ:
«Մենք ամեն ինչ արել և անում ենք, որ գործարանը վերագործարկվի»,-հայտարարել է նախարարը:
