Եվրախորհրդարանի պաշտպանության և անվտանգության հարցերով ենթահանձնաժողովի նախագահ Աննա Ֆոտիգան (Լեհաստան) Եվրամիության դիվանագիտության գերագույն ներկայացուցիչ Ֆեդերիկա Մոգերինիին դիմում է հղել՝ կապված ԵՄ քաղաքացիների հաճախակի ուղևորությունների հետ դեպի Արցախ:
«Ռուսարմինֆո»-ի փոխանցմամբ՝ ադրբեջանական ԶԼՄ-ները հայտնում են, որ եվրապատգամավորի ուղերձում ասվում է, որ եվրոպական երկրների քաղաքացիներն սկսել են հաճախակի այցելել Լեռնային Ղարաբաղ, որի պատճառով հայտնվում են Ադրբեջանի «անցանկալի անձանց» ցուցակում: Ասվում է նաև, որ Լեռնային Ղարաբաղ այցելությունները վտանգավոր են, քանի որ ամեն վայրկյան հակամարտության գոտում ռազմական բախումներ կարող են տեղի ունենալ:
Ֆոտիգան Մոգերինիին կոչ է արել ոչ միայն հետ պահել ԵՄ քաղաքացիներին Արցախ այցելելուց, այլև միջոցներ ձեռնարկել նրանց հետևանքների մասին առցանց հարթակում տեղեկացնելու համար:
