Բաղրամյան պողոտայում էլեկտրաէներգիայի ապօրինի թանկացման դեմ բողոքը շարունակվում է: Քիչ առաջ այնտեղ ժողովրդին պատանի քաղաքացիները բաժանում էին սնունդ, ջուր ու պնդում, որ անպայման օգտվեն.
«Մի գնացեք, վերցրեք»,-ներկաներին դիմելով ասում էին նրանք:
«Մեկը կարող է ջրով օգնել, մեկը՝ հացով»,-Asekose.am-ի թղթակցի հետ զրույցում ասացին պատանիները:
Հարցին, թե արդյո՞ք ներկա են եղել բոլոր ցույցերին և ինչ են շարունակելու անել, պատասխանեցին.
«Ներկա ենք եղել ու մինչև վերջ էլ մնալու ենք: Ափսոս, որ ջրցան մեքենաների ժամանակ տուն էինք գնացել 2 ժամով»:
Նշենք, որ այսօր՝ ժամը 18:00-ին քաղաքացիները կրկին կհավաքվեն Ազատության հրապարակում և երթով կգնան՝ միանալու Բաղրամյան պողոտայում ակցիան շարունակող մասնակիցներին։
Անի Կարապետյան
