Հ1 հեռուստաընկերությունից «Հանրային» կողմնորոշիչ բառը դուրս նետելուց եւ ռուսական հայտնի ալիքից վերաթխելով միայն հաստլիկ «1» -ը` Ջաղինյանն, ինչպես հայտնի է, խեղճ ու թշվառ նմանակման կուրս է վերցրել նույն` ռուսական ОРТ-ից:

Դա բոլորն են նկատել ու կարիք չկա ծավալվելու:

Սակայն չենք կարող չխոսել մի գործելակերպի մասին, որ որդեգրել է Ջաղինյանին վստահված հեռուստաալիքը:

Խոսենք թեկուզ մի հաղորդման օրինակով:

«Մեր մեջ ասած»` անմտության ռեկորդակիր այս հաղորդումը սկզբում վարում էին 4 հոգի. Դե, չորսով «վրա էին տալիս,, հյուրին ու ոչ «վրա տվողները» եւ ոչ էլ հյուրը ոչ մի նոր բան չէի ասում:

Ընդհանրապես, այս հաղորդումը կարելի էր կոչել «Պարապ վախտի խաղալիք»:

Վերջերս նկատեցի, որ վարողներից թողել են երկուսին:

Սակայն դա էլ իրավիճակը չի փրկում, քանզի «ըսի-ըսավ»-ի մակարդակի, անբովանդակ զրույցի եթերային թանկագին ժամանակի կորստից բացի, այլ բան չկա:

Իսկ հիմա էլ Ջաղինյանը որոշել է այս տխմարագույն հաղորդմանը մի «նոր շնչառություն» տալ /դե, որ նայվի, էլի/:

Վերցրել ու գողացել է հայտնի ռուսական ալիքի ձեւաչափից մի նոր դրվագ:

Խոսքը  «Наедине со всеми» հաղորդման մասին է, որտեղ նաեւ ցուցադրում են հյուրի մասին` գործընկերների, ընտանիքի անդամների կարծիքները ներկայացնող կադրեր, նաեւ` ստեղծագործական գործունեությունից են ինչ-ինչ դրվագներ եթեր տալիս հաղորդման ընթացքում:

Այժմ «Մեր մեջ ասածը» նույն կերպ է վարվում, սակայն ահավոր դիլետանտորեն:

Սա էլ դեռ մի կողմ:

Ջաղինյանն իր հաղորդումների համար այլեւս չի կարողանում հյուրեր գտնել:

Հավանաբար, նորմալ մարդիկ հրաժարվում են կոնկրետ` «մեր մեջ ասած»-ի հրավերն ընդունել /ոչ միայն այս հաղորդման/:

Ջաղինյանի գլխում հզոր «իդեա-ֆիքս» է ծնվել ու նա որոշել է հյուրեր կանչել իր կանալում այս կամ այն փոլում աշխատած մարդկանց:

Օրինակ, նույն այդ` «Մեր մեջ ասած»-ի վերջին հյուրերից մեկը նույն հաղորդման նախկին 4 վարողներից մեկն էր:

Զավեշտ է:

Լավ, բայց ինչ էր խոսում ու պատմում այդ կինը:

Ոչ մի նոր բան:

Մի խոսքով, Ջաղինյանը Հանրայինը դարձրել է մաշված դեմքերի գյալաջիների վայր:

Հեղինակ` Սոնա Մելիքյան