Մեր առաջին խնդիրը իշխանափոխությունից հետո պետք է լինի կառավարության կառուցվածքի վերանայումը։ Այս մասին իր համակիրների հետ հանդիպմանը հայտարարել է ՀՀ երրորդ նախագահ, ՀՀԿ նախագահ Սերժ Սարգսյանը։
«Նվազագույնը երեք նախարարություններ պետք է վերականգնվեն՝ Մշակույթի, Գյուղատնտեսության եւ Սփյուռքի նախարարությունները»,- նշել է երրորդ նախագահը։
Անդրադառնալով անվտանգության հետ կապված հարցերին՝ Սերժ Սարգսյանն ասել է.
«Առաջինը պետք է փոխենք այդ մարդկանց, ովքեր դրանով զբաղվում են՝ Պաշտպանության նախարարին, Գլխավոր շտաբի պետին։ Պիտի վերականգնենք մարդկանց, ովքեր մասնագետ են, հասկանում են՝ ինչ է զորքը, որովհետեւ առանց զորքի անվտանգություն լինել չի կարող։ Հետ կամաց-կամաց բարեփոխումներ, վստահությունը մեր դաշնակիցների հետ, որպեսզի մեզ օժանդակեն, իսկ մենք առանց ռազմատեխնիկական օժանդակության չենք կարողանալու մեր բանակը վերականգնել»։
