Արդեն տեղեկացրել ենք, որ Երևանում է աշխարհահռչակ դերասան, կրկնակի օսկարակիր Մայքլ Քեյնը:
Asekose.am-ին հայտնի է դարձել, որ բրիտանացի ամենապահանջված ու ճանաչված դերասանը Հայաստան է այցելել բրիտանահայ գործարար և բարերար Վաչե Մանուկյանի հրավերով:
Մայքլ Քենն ու Վաչե Մանուկյանն այս պահին ընթրում են Երևանի կենտրոնում գտնվող գողտրիկ ռեստորաններից մեկում, որի անունը, նրանց իսկ հորդորով, չենք հրապարակում:
Վաչե Մանուկյանն ու Մայքլ Քեյնը, չնայած տարիքային 12 տարվա տարբերությանը, մտերիմ ընկերներ են և հաճախ են հանդիպում աշխարհի տարբեր անկյուններում և այս անգամ, բրիտանահայ բարերարի առաջարկով, այդ հանդիպումը տեղի է ունեցել Երևանում, որի մասին իր հիացական տպավորություններով Մայքլ Քեյնն արդեն հասցրել է կիսվել Թվիթերում ու Ֆեյսբուքում:
