Ապրիլի մեկի լույս երկուսի գիշերը նախահարձակ հակառակորդի հաջողությունները Թալիշի ուղղությամբ ընդամենը տևել են ժամեր: Օր լրատվականի նկարահանող խումբն այսօր եղել է առաջնագծի հյուսիսային հատվածում: Դիրքապահներն ասում են, որ ազատագրված դիրքերում հիմա արդեն կրկնակի զգոնությամբ են հերթապահում: Առաջնագիծ մեկնած կամավորներն էլ ավելացնում են՝ Թալիշի բարձունքներում իննսունականներին կիսատ գործ էին թողել, վերադարձել են այն ավարտելու վճռականությամբ: