Լեռնային Ղարաբաղի հակամարտության խաղաղ կարգավորումը շարունակում է մնալ Հայաստանի գլխավոր առաջնահերթությունը:
Այս մասին «Թվիթեր»-ի իր միկրոբլոգում գրառում է կատարել ՀՀ վարչապետի պաշտոնակատար Նիկոլ Փաշինյանը․ «Մենք կշարունակենք խաղաղ գործընթացը՝ ի բարօրություն տարածաշրջանի խաղաղության և անվտանգության: Կարգավորումը պահանջում է բոլոր կողմերի ջանքերը»,- մասնավորապես, գրել է Փաշինյանը:
Հիշեցնենք, որ քիչ առաջ Ադրբեջանի նախագահ Իլհամ Ալիեւը եւս Լեռնային Ղարաբաղի հակամարտության վերաբերյալ գրառում էր կատարել Թվիթերում․
«2019 թվականը նոր խթան կհաղորդի հայ-ադրբեջանական ղարաբաղյան հակամարտության կարգավորման գործընթացին»,- մասնավորապես, գրել է Ալիեւը։
