shamshyan.com-ի տեղեկություններով՝ ոստիկանության Բազումի բաժին է դիմել Վանաձոր քաղաքի Սոխումի փողոցի բնակիչ, 77-ամյա Հակոբ Ազիզյանը և հայտնել, որ հունիսի 11-12-ն ընկած ժամանակահատվածում անհայտ անձը կամ անձինք տեխնիկական միջոցների գործադրմամբ իր տան 2-րդ հարկի պատշգամբի դուռը բացելու միջոցով մտել են տուն և կատարել գողություն:
Ինչպես հայտնում է ֆոտոլրագրող Գագիկ Շամշյանը, ստահակները բնակարանից գողացել են ՀՀ մշակույթի նախարարության կողմից Հ. Ազիզյանին պարգևատրած 3 հատ ոսկյա մեդալը, 1 հատ Ֆ. Նանսենի անվան ոսկյա մեդալը, ինչպես նաև ՀՀ ժողովրդական արտիստի կոչման ոսկյա մեդալը:
Հ. Ազիզյանը Հ. Աբելյանի անվան պետական դրամատիկական թատրոնի դերասան է: Փաստի առթիվ Հայաստանի քննչական կոմիտեի Լոռու մարզային քննչական վարչությունում հարուցվել է քրեական գործ: Ոստիկանությունն ու քննչական մարմինը ձեռնարկում են անհրաժեշտ օպերատիվ-հետախուզական գործողություններ՝ ստահակին կամ ստահակներին հայտնաբերելու ուղղությամբ:
Նյութն ամբողջությամբ՝ սկզբնաղբյուրում:
