ԿԳՄՍ նախարար Ժաննա Անդրեասյանն անդրադարձել է վերջին շրջանում քննարկվող «Կարմիր դուռ, դեղին դուռ» խաղին և դրա հետ կապված աշակերտների ծնողների մտահոգություններին։
«Ձևավորվել է մասնագիտական աշխատանքային խումբ, մանրամասն ուսումնասիրվում են նաև հնարավոր ազդեցությունները։ Իհարկե, մենք մոնիտորինգ են իրականացնում և դպրոցները զգուշացված են, որ ուշադիր լինեն և երեխաների շրջանում նման խաղերի տարածումը տեսնելուն պես, համապատասխան քայլեր ձեռնարկեն»,– ասաց նա։
Նախարարը հիշեցրեց, որ հոգեբանի հաստիքը պարտադիր է դարձել դպրոցներում․ «Բայց մենք նաև մասնագիտական աշխատանքային խմբի աշխատանքի արդյուքնում նաև ավելի մեդթոդական աջակցություն կցուցաբերենք»,– հավելեց նա։
Անդրեասյանը նշեց, որ «անհանգստություններ են ստանում», բայց որևէ առանձին վնասման դեպքեր չեն գրանցվել․ «Բայց դա չի նշանակում կանխարգելման քաղաքականությունը չպետք է շարունակել»,– հավելեց նախարարը։
***
|
«Ավետիք Իսահակյանի 150-ամյակի հոբելյանական հանձնաժողովի քննարկման ժամանակ առաջարկ բարձրացվեց, որ գուցե, հաշվի առնելով, որ հոբելյանական տարի է, հարևանությամբ էլ Իսահակյանի արձանն է տեղադրված, քաղաքապետարանը հարցը քննարկի»,- լրագրողների հետ ճեպազրույցի ժամանակ ասաց ԿԳՄՍ նախարար Ժաննա Անդրեասյանը՝ անդրադառնալով մետրոյի «Երիտասարդական» կայարանը գրողի անունով կոչելու մասին հարցին։ «Ըստ սահմանված ընթացակարգի՝ առաջարկը ներկայացվել է քաղաքապետարան։ Կարծում եմ՝ դա ավագանու որոշման տիրույթում է։ Առաջարկ է հնչել, բնականաբար այն պետք է ներկայացվեր համապատասխան քննարկման։ Մենք նաև սպասում ենք, որպեսզի քաղաքապետարանը քայլեր ձեռնարկի գրողի արձանը տեսանելի դարձնելու համար»,- ասաց նախարարը։ ***
|
