«Սրբազան պայքար» շարժման առաջնորդ Բագրատ Սրբազանն անդրադարձել է հասարակական, քաղաքական գործիչ Էդգար Ղազարյանին առաջադրված մեղադրանքին․ «Փորձում են սահմանափակել ազատ խոսքի իրավունքը, փորձում են ահաբեկել ու այդ ճանապարհով նաև ուղերձ հղել հանրությանը, որ յուրաքանչյուրին նույնն է վիճակված, ովքեր կփորձեն խոսքով ու գործով ոչ միայն ի ցույց դնել, այլև պայքարել, որպեսզի ժամ առաջ չարիքը վերանա երկրից։ Մեր լիակատար զորակցությունն ենք հայտնում Էդգար Ղազարյանին»,- ասել է Սրբազանը։

***

«Չեմ դադարելու կրկնել՝ մենք կոչված ենք չարիքի իշխանությունը հեռացնելու, որպեսզի ունենանք այն կյանքը, միջավայրը, մթնոլորտը, որտեղ կթագավորեն հաշտությունը, ճշմարտությունը, արդարությունն ու սերը»,- ֆեյսբուքյան եթերում ասել է «Սրբազան պայքար» շարժման առաջնորդ Բագրատ Սրբազանը։ «Միջավայր, որտեղ մարդիկ ամեն լումայի համար կռիվ չեն անելու, ապրելու են բարձր երազներով, ամենաշատն ունենալու են մարդու ու Աստծո կարիքը»,- հավելել է նա։