Դիտեք նաև՝
Արդեն տեղեկացրել ենք, որ ՀՀ վարչապետ Նիկոլ Փաշինյանն Արցախում է՝ մասնակցելու մայիսյան Եռատոնի միջոցառումներին։
Արցախի նորընտիր նախագահ Արայիկ Հարությունյանը տեսանյութ է ներկայացրել ֆեյսբուքյան իր էջում ու գրել է․
Հարգելի՛ հայրենակիցներ
Այսօր Նախագահ Բակո Սահակյանի հետ միասին Ստեփանակերտի օդանավակայանում դիմավորել ենք մայիսյան Եռատոնի առթիվ տիկնոջ հետ Արցախ ժամանած ՀՀ Վարչապետ Նիկոլ Փաշինյանին:
Համաձայն պետական արարողակարգի՝ նախ այցելել ենք մայրաքաղաքի հուշահամալիր եւ հարգանքի տուրք մատուցել Հայրենական մեծ պատերազմում զոհվածների հիշատակին: Ապա հուշահամալիրի հարևանությամբ գտնվող Արցախյան գոյամարտում զոհված ազատամարտիկների եղբայրական գերեզմանատանը ծաղիկներ խոնարհել նրանց շիրիմներին:
Մեր խոնարհումն ենք բերել նաեւ Շուշիի Տանկ-հուշարձանին եւ բերդաքաղաքում նրա հավերժ ներկայությունը հավաստող սպարապետ Վազգեն Սարգսյանի հուշարձանին:
Դիտեք նաև՝ Ի՞նչ հարցեր են քննարկել Նիկոլ Փաշինյանն ու Բակո Սահակյանն Արցախում
